«Meniń Týym!»: Qyzylordalyqtar avtokólik sherýin uıymdastyrdy

QYZYLORDA. QazAqparat – Búgin Qyzylorda oblysy Syrdarııa aýdanynda QR Táýelsizdigi kúnine oraı avtosherý uıymdastyryldy. Kók týdy kókke kótergen azamattar ony aýdan ortalyǵy kóshelerimen alyp ótti, dep habarlaıdy QazAqparat tilshisi.

«Meniń Týym!» respýblıkalyq sharasyna el egemendiginiń 29 jyldyǵyna oraı 29 avtokólik qatysty.

Memlekettik týymyz ornatylǵan kólikter aýdan ortalyǵyndaǵy Q.Qazantaev kóshesinen bastap A.Imanov, I.Toqtybaev kóshelerimen júrip ótti.

«Kez kelgen memlekettiń Táýelsizdigin aıqyndaıtyn qasıetti belgiler – memlekettik rámizder. Sol sebepti, rýhymyzdy aspandatar kók baıraǵymyzdy joǵary kótergen sherýshilerdiń basty maqsaty – óskeleń urpaqtyń boıyna patrıottyq sezim uıalatý», - dedi sharany uıymdastyrýshylar.