«Meniń Týym»: Qaraǵandylyqtar patrıottyq aktsııaǵa ún qosty

QARAǴANDY. QazAqparat - QR Táýelsizdigi kúnine Qaraǵandy qalasy turǵyndary patrıottyq aktsııaǵa ún qosyp, balkondaryna tý ildi, dep habarlaıdy QazAqparat tilshisi.

Qaraǵandy qalasynyń ákimi Ermaǵanbet Bólekbaev qala turǵyndaryn táýelsizdik kúnimen quttyqtady.

«Mereke qarsańynda #meniń týymmenińotanym chellendjin bastap otyrmyn. Osy jyldyń aıtýly oqıǵasy - halqymyzdyń uly perzenti Abaıdyń týǵanyna 175 jyl tolýyna oraı qalamyzda qoǵamdyq sanany jańǵyrtatyn, bir el, tutas ult bolyp damýymyzǵa serpin beretin is-sharalar ótkizilýde. Osyndaı mańyzy zor tarıhı kúni barshańyzǵa myqty densaýlyq, otbasylaryńyzǵa baqyt, sáttilik, zor jetistik tileımin», - dedi ol.

Quttyqtaý sóziniń sońynda ol estafetany №38 gımnazııanyń 11-synyp oqýshysy Sofııa Morozovaǵa joldady.

«Táýelsizdik bizge baqyt pen egemendik ákeldi. Halqyma zor densaýlyq, barlyq jaqsylyqty tileımin», - dedi Sofııa Morozova.

Atalǵan chellendj osylaı jalǵasyn taýyp, ony E.A.Bóketov atyndaǵy QarMÝ professory Nursahan Beısenbekova, Qaraǵandy qalalyq máslıhatynyń hatshysy Qudaıbergen Beksultanov, Abaı atyndaǵy №101 mektep-gımnazııasy dırektorynyń mindetin atqarýshy Jadyra Baımoldına, Qaraǵandy qadasynyń arlagerler keńesiniń tóraǵasy Tileýbek Zeıneshev, «Lýchık nadejdyá BMKO QB Dırektory, Qaraǵandy qalalyq máslıhatynyń dırektory Tatıana Kravchenko qabyldap, Táýelsizdik kúnimen quttyqtady.

«Meniń týym, meniń Otanym» chellendjin Balqash qalasyna joldaımyz!», - deıdi Qaraǵandy jastary.