«Meniń Otanym - Qazaqstan» kitabynda Elbasy Otandy súıý týraly jazǵan - E.Sýhanberdıeva
ASTANA.QazAqparat - Elbasy N.Nazarbaev kitapqa týǵan jerimizdiń tamasha tabıǵatyn, Otandy súıý degen perzenttik paryz týraly eń tańdamaly oılaryn jazǵan. Bul týraly búgin №81 mektep-gımnazııanyń ashylýynda jýrnalısterge pikir bildirgen Astana qalalyq Astana qalalyq bilim basqarmasynyń jetekshisi Elmıra Sýhanberdıeva aıtyp berdi.
«Bıyl Qazaqstan boıynsha 1-synyp oqýshylary Prezıdenttiń ózinen úlken syı aldy. «Meniń Otanym - Qazaqstan» kitaby - bul Memleket basshysynyń búldirshinderge jasaǵan tamasha syıy. «Meniń Otanym - Qazaqstan» kitaby qosymsha ádebıet. Árıne, Qazaqstannyń búkil qazba baılyǵy men tarıhyn bir kitapqa syıdyrý múmkin emes. Sondyqtan, Elbasy ózi tańdap kitapqa týǵan jerimizdiń tamasha tabıǵatyn, Otandy súıý degen perzenttik paryz týraly eń tańdamaly oılaryn jazǵan. Endi bul kitap jyl saıyn taratylyp otyrady»,- deıdi E.Sýhanberdıeva Aıta keteıik, búgin Astana qalasy boıynsha qatarynan úsh jańa mektep ashyldy. Al, jyl sońyna deıin elorda oqýshylary úshin taǵy eki mektep ashylmaq. «Qala boıynsha búgin úsh jańa mektep ashtyq. Bir mektep taza qazaq tilinde sabaq beredi, ekinshi mektep aralas mektep jáne búgin Bilim mınıstri kelip ashqan mektep - ana tilimiz ben aǵylshyn tilinde sabaq beredi. Jalpy, 2015 jyldyń aıaǵyna deıin elordada taǵy eki mektep ashylady. Qala basshylyǵy kóshi-qon legi men bala týý kórsetkishin esepke ala otyryp, shahardyń qaı aýdanynda qansha mektep salý kerektigin josparlap otyrady»,-dep túsindirdi ol.
