Meniń maqsatym qazaqtyń ulttyq mýzykasyn álemge tanytý boldy - Denıs Ten
ASTANA. QazAqparat - Olımpıadalyq komıtettiń málimeti boıynsha ár olımpıadany 3,5 mlrd. adam tamashalaıdy. Men osy múmkindikti paıdalana otyryp, óz ónerimdi qazaq mýzykasymen ushtastyra kórsettim. Bul týraly búgin QR ІІM Іshki áskerleriniń Bas qolbasshylyǵy jeke quramymen ótken kezdesý barysynda 2014 jylǵy HHІІ Qysqy Olımpıada oıyndarynyń qola júldegeri, Іshki áskerler sporttyq qurama komandasynyń múshesi Denıs Ten aıtty.
Onyń aıtýynsha, Táýelsizdik alǵan jyldardan beri Qazaqstandaǵy sport qaryshtap damyp keledi.
«Buryn ashyq aspan astynda nemese saýda ortalyqtaryndaǵy muz aıdyndarynda konkı teýip daıyndalatyn bolsaq, qazir kóptegen sport saraılary árkimniń sportpen aınalysýyna múmkindik beredi», - dep atap ótti D. Ten.
Onyń aıtýynsha, Sochı Olımpıadasynda álemniń mıllıondaǵan turǵyndary alǵash ret qazaq mádenıetimen tanysyp, dombyra men qobyz únin estidi.
«Osy rette aıtaıyn degenim, men tek qazaqstandyq sportshy ǵana emes, sonymen qatar, mánerlep syrǵanaýdaǵy «Qazaqstannyń elshisi» de bolǵym keledi. Barlyq sportshylar tanystyrý kórsetiliminde jeńil ári kóńildi, tipti kúlkili mýzykaǵa óner kórsetip, aýdıtorııany baýrap alǵysy kelse, meniń maqsatym qazaqtyń ulttyq mýzykasyn álemge tanytý boldy», - deıdi sportshy.
Saltanatty shara barysynda QR ІІM Іshki áskerleri Bas qolbasshysynyń orynbasary general-maıor Albert Matkarımov Denıs Tenge sportta jetken jetistikteri úshin alǵysyn bildirip, QR ІІM Іshki áskerleri Bas qolbasshysynyń atynan «Іshki áskerlerge - 20 jyl» tósbelgisimen marapattady.
