Meniń Qytaı týraly tanymym Djekı Chan kınolarynan bastalǵan - Dımash Qudaıbergen
Bul týraly ol Qytaıdyń áıgili kıno akteri Djekı Chanmen kezdesken sátinde aıtty, dep jazady qytaılyq ent.news.cn aqparattyq saıty.
«Men kishkentaı kezimnen sizdiń kınolaryńyzdy erekshe súıip kóretinmin. Siz túsken kınolardyń dıskileri úıde tom-tom bolyp turady. Meniń Qytaı eli týraly tanymym Djekı Chan kınolarynan bastaldy desem, artyq aıtpaımyn. Bala kúnimizde bir-birimizben oınap tóbeleskende, men únemi «Djekı Chan» bolatynmyn. Bir joly ata-anam bazardan sizdiń sýretińiz basylǵan dıski alyp kelip qatty qýantqan edi. Alaıda dıskiniń ishindegi basqa kıno bolyp, áke-shesheme ókpelep qalǵanym bar», - deıdi Dımash Qudaıbergen.
Óz kezeginde áıgili akter Dımash Qudaıbergenge ónerin ári qaraı damytyp, ánshilik pen birge sazgerlik qyrynan da kórinýin aıtqan.
Eske salaıyq, Dımash Qudaıbergen 6 aqpan kúni Qytaıdyń áıgili kıno akteri Djekı Chanmen kezdesip, megajuldyzǵa qazaqı shapan jaýyp, dombyra syılaǵan bolatyn.
