«Meniń Qazaqstanym: stýdenttik kóktem - 2019» festıvali máresine jetti

Tórt nomınatsııa boıynsha jeńimpaz atanǵan úzdikter baǵaly syılyqtarmen marapattaldy, dep habarlaıdy QazAqparat tilshisi.

«Otanym - Atamekenim» patrıottyq ánder baıqaýy boıynsha I oryndy Kerbulaq aýdanynan Máýlesh Ábjaparov, II oryndy Jetisý memlekettik Ýnıversıtetiniń stýdenti Іnibek Erasyl, III oryndy Kóksý polıtehnıkalyq kolledjiniń stýdenti Elaman Saǵatbekov ıelendi. Sondaı-aq, «Kórermen kózaıymy» nomınatsııasy boıynsha Álisher Hametsapa (Sarqan gýmanıtarlyq kolledji) jáne Jaına Ámıdýllaeva (Tekeli kásiptik kolledji) marapattaldy. Al «Ushqyr oıly Jetisýlyq jastar» atty pikirsaıys týrnırinde I oryn - «Erudite» (Taldyqorǵan), II oryn - «Kókbóri» (Kóksý aýdany), III oryn - «Mıks» (Qapshaǵaı) pen «Jetisý» (Aqsý aýdany) komandalaryna buıyrdy.

Sóz zergerleri jarysynda kóksýlyq Adýyn Baqbol úzdik spıker atandy. «Jaıdarly jastar» jaıdarman oıyny boıynsha I oryndy «Kreatıv» (Taldyqorǵan), II oryndy «Tátti qurama» (Almaty), III oryndy «Effekt» (Aqsý aýdany) komandalary jeńip aldy.

Kórermenin kúlkige bólep, keremet kóńil-kúı syılaǵan saıysta «Mádenıet jigitteri» (Qarasaı aýdany) komandasy «Kórermen kózaıymy» nomınatsııasyn ıelense, Myrza Mahambet «Úzdik oıynshy» atandy. «Sport - ómir kórki» taqyrybyndaǵy shaǵyn fýtbol oıynynda I oryndy Kerbulaq aýdany, II oryndy Alakól aýdany, III oryndy Taldyqorǵan Joǵarǵy Polıtehnıkalyq kolledjiniń quramasy ıelendi.

Sondaı-aq, Ámir Maratbaev (Qarasaı aýdany) - «Úzdik oıynshy», Zahar Terenko (Tekeli qalasy) - «Úzdik qaqpashy», Rahat Álimbaev (Kóksý aýdany) - «Úzdik qorǵaýshy» nomınatsııasylary boıynsha marapattaldy.

Baıqaý úzdikterin Almaty oblysy ákiminiń orynbasary Aqan Abdýalıev, qala ákimi Ǵalymjan Ábdiraıymov jáne Іlııas Jansúgirov atyndaǵy Jetisý memlekettik ýnıversıtetiniń rektory Qýat Baımyrzaev marapattady.

Barlyq qatysýshylarǵa baǵaly syılyqtar men arnaıy alǵys hattar tabystaldy. Kesh sońynda Ómirqul Aınııazov, Oljas Abaı, Serikbol Saılaýbek, Ushqyn Jamalbek, Áset Esjan, Samat Janǵazın syndy qazaq estradasynyń juldyzdary jáne oblystyq mádenıet salasyndaǵy ónerpazdar óner kórsetti.

Jetisý jerinde alǵash uıymdastyrylyp otyrǵan sharanyń maqsaty - jastardyń qoǵamdaǵy belsendiligin arttyryp, shyǵarmashylyq sheberligin shyńdap, daryndy stýdentterge qoldaý kórsetý.

Esterińizge sala keteıik, Taldyqorǵanda «Meniń Qazaqstanym: Stýdenttik kóktem-2019» atty jastardyń festıvali bastalǵanyn habarlaǵan bolatynbyz. Sharanyń ashylý saltanatyna óńirdegi joǵary jáne arnaýly oqý oryndarynan 500-den asta stýdent qatysty.