«Meniń Qazaqstanym» poıyzy Ekibastuzda boldy
"Bıyl qazaqstandyqtar úshin erekshe jyl. Kelisim men tatýlyqtyń, yntymaq pen birliktiń aınasyna aınalǵan Qazaqstan halqy Assambleıasynyń 20 jyldyǵy týrasynda Elbasy Nursultan Nazarbaev: "Qazaqstandaǵy qoǵamdyq kelisim, eń aldymen, qazaqtyń kelisimi ekenin myqtap este saqtaǵanymyz abzal. Qazaqtyń yntymaǵy men birligi myqty bolmaıynsha, memlekettiń tutastyǵyn saqtaý múmkin emes. Endeshe Assambleıa - barsha qazaqstandyqtardyń múddesi" degen bolatyn", - dedi saltanatty mıtıngide sóz sóılegen qala əkimi Aleksandr Verbnıak.
Osydan soń "Meniń Qazaqstanym" poıyzynyń dırektory Ǵazız Telebaev óziniń qarymta sózinde bylaı dedi: "Biz kóppiz jəne bərimiz bir elmiz, bir halyqpyz. Óz eline paıdasyn tıgizý, óz Otanynyń taǵdyryna jaýapty bolý - ərbir qazaqstandyq úshin paryz jəne abyroı. "Birliksiz el tozady, birlikti el ozady", - deıtin danalyqtyń shyńyna búginde barlyǵymyzdyń kózimiz jetip otyr. Ultaralyq tatýlyq arqasynda búginde el tynysh, jurt aman. Osy berekemiz buzylmaǵaı! Birligi bekem Qazaqstannyń eńsesi bıik bolsyn!". Aıta keteıik, Ekibastuz óńirinde 8 aýyldyq okrýg, 2 kent jəne 3 aýyl (barlyǵy 27 aýyldyq eldi meken) ornalasqan. Bul óńirdegi turǵyndar sany 151 myń adamdy quraıdy. Óńirdiń əkimshilik ortalyǵy Ekibastuz qalasy bolyp tabylady. Óńir ekonomıkasynyń basym salasy - ónerkəsip. 2015 jyldyń qańtar aıynda qalanyń ónerkəsip kəsiporyndary 47 mlrd. 407,8 mln. teńgeniń ónimin óndirgen. Óńirde aýyl sharýashylyq ónimderin qaıta óńdeý boıynsha 20 kəsiporyn jumys isteıdi, onyń ishinde nan-toqash ónimderin shyǵarý boıynsha 9 kəsiporyn, 3 kondıterlik tseh, makaron ónimderin shyǵaratyn 1 tseh, sútti qaıta óńdeıtin 1 tseh, 1 etti qaıta óńdeý kesheni, kúnbaǵys maıyn shyǵaratyn 2 tseh, 2 dıirmen, terini qaıta óńdeý boıynsha 1 tseh jumys isteıdi.
2015 jyldyń 1 naýryzyndaǵy jaǵdaı boıynsha qoldanystaǵy kəsipkerlik sýbektileriniń sany 6522 birlikti quraıdy, onyń ishinde 1148 shaǵyn jəne orta zańdy tulǵa, 5150 jeke kəsipkerler, 224 sharýa qojalyqtary bar.
Mıtıngiden keıin "Meniń Qazaqstanym" poıyzymen kelgen mamandar ózderine júktelgen mindetti atqarýǵa kirisip ketti. Qaladaǵy "Qaınar" kesheninde Qoǵamdyq qabyldaý keńesiniń qoǵamdyq qabyldaýy júrgizildi. Osy keshende əleýmettik məseleler, ədilet jəne memlekettik qyzmet kórsetý, bıznes, aýyl sharýashylyq, bilim berý, banktik júıe, nesıelik məseleler boıynsha qala jurtshylyǵyna keńes berildi. Ekibastuz qalasynyń №2 emhanasynda poıyzben kelgen dərigerler jurtshylyqty qabyldap, olarǵa dərigerlik keńes berip, medıtsınalyq tekserýden ótkizdi. "Qaınar" kesheniniń úlken zalynda "N.Ə.Nazarbaevtyń etnosaralyq toleranttylyq jəne qoǵamdyq kelisimniń qazaqstandyq úlgisi" dəris-prezentatsııasy ótti.
Keshqurym Ekibastuz qalasynyń ortalyq alańynda E. Hasanǵalıev bastaǵan ónerpazdar qala jurtshylyǵyna úlken kontserttik baǵdarlamasyn usyndy.
