«Meniń Qazaqstanym!» poıyzy Astanaǵa oraldy (FOTO)
«Meniń Qazaqstanym» poıyzy 23 naýryz kúni Astanadan shyǵyp, elimizdiń soltústiginen bastap, batysy, ońtústigi, shyǵysyn túgel aralap, 12 myń shaqyrym joldy júrip ótti. 30 kúnde ol 27 eldi mekende bolyp qaıtty.
Poıyz delegattarynyń arqasynda bizdiń otandastarymyz Qazaqstannyń «Nurly jol» jańa ekonomıkalyq saıasaty, «Máńgilik el» jalpyulttyq strategııasy týraly jan-jaqty aqparat alyp, kóbirek biletin boldy. Aımaq turǵyndary qarjy jáne áleýmettik sala qyzmetkerlerinen túrli konsýltatıvtik keńester alýǵa múmkindik aldy.
«Meniń Qazaqstanym» poıyzynyń 12 myń shaqyrymdyq sapary osymen aıaqtaldy. 30 kúnniń ishinde biz 27 eldi mekenge sapar jasadyq. Halyqqa túrli kómekter kórsetildi, sonymen qatar olar sapaly dárigerlik tekserýden ótip, syrqattaryna em aldy. Qazaqstandyq estrada juldyzdary kontserttik baǵdarlamalaryn usyndy. Qaıda bolsaq ta, halyq bizdi jyly qarsy alyp jatty, eń bastysy - olardyń lebizderi», - deıdi «Meniń Qazaqstanym» poıyzynyń jetekshisi Rýslan Borbasov.
Aıta keteıik, poıyz saparyna 180 adamdaı qatysty. Olardyń ishinde QR Parlamenti depýtattary, Qazaqstan halqy Assambleıasynyń músheleri, «Nur Otan» partııasynyń ókilderi jáne tanymal qazaqstandyq ánshiler, joǵary bilikti dárigerler men zańgerler boldy.
