«Meniń Qazaqstanym» halyqaralyq mýzyka chellendji aıaqtaldy
NUR-SULTAN. QazAqparat - QR Mádenıet jáne sport mınıstrligi uıymdastyrǵan «Meniń Qazaqstanym» halyqaralyq mýzyka chellendji aıaqtaldy, dep habarlaıdy QazAqparat tilshisi.
Án marafony ataqty kompozıtor, án óneriniń áıgili maıtalmany, qazaq estradasynyń negizin salýshylardyń biri, Qazaqstannyń halyq artısi, QR Ánurany áýeniniń avtory Shámshi Qaldaıaqovtyń 90 jyldyq mereıtoıyna arnaldy.
Qazaq ən óneriniń bulbuly atanǵan Bıbigúl Tólegenova bastaǵan halyqaralyq mýzyka chellendjine əlemniń 30-dan astam memleketinen 1000-nan astam azamat qatysty. Jalpy «Meniń Qazaqstanym» estafetasy 300 myńnan astam kórermendi qamtydy.
Aqtoty Raıymqulova «Meniń Qazaqstanym» chellendjine atsalysqan QR Syrtqy ister mınıstrligine, alys-jaqyn shet elderdegi qandastarymyzǵa, elimizdegi barlyq kontsert uıymy men jeke oryndaýshyǵa alǵys aıtyp, «Arys jaǵasynda» ənin tartý etti.
«Mine, Qazaqstannyń Halyq ártisi, áıgili kompozıtor, Qazaqstan Respýblıkasy Ánurany áýeniniń avtory Shámshi Qaldaıaqovtyń 90 jyldyǵyna arnalǵan «Meniń Qazaqstanym» atty án sherýin támamdadyq. Qazaq mýzykasynyń altyn daýysy Bıbigúl Ahmetqyzy Tólegenova bastaǵan mýzykalyq marafon birligimizdi bekemdep, patrıottyq sezimimizdi bıiktetti. Jobaǵa álemniń 30-ǵa jýyq memleketinen myńnan astam qatysýshy atsalysty. Halyqaralyq án estafetasyn áleýmettik jeliler arqyly 300 myńnan astam adam tamashalady. Mýzykalyq chellendjge atsalysqan Qazaqstan Respýblıkasynyń Syrtqy ister mınıstrligine, alys-jaqyn shet elderdegi elshilikter men qazaq dıasporalaryna, óńirlik kontserttik ujymdarǵa, jeke oryndaýshylarǵa zor qurmetpen alǵysymdy bildiremin«, - dedi Aqtoty Raıymqulova.
