«Meniń kásibim» respýblıkalyq áleýmettik jobasy Túrkistanda sátti júzege asýda
TÚRKІSTAN. QazAqparat – «Meniń kásibim» respýblıkalyq áleýmettik jobasy Túrkistanda sátti júzege asyp, qala turǵyndaryna qoldaý bolýda. Búgin qala ákimi Rashıd Aıýpov pen joba avtory Aıjanı Nurlanova bastaǵan jaýapty sala qyzmetkerleri joba arqyly kásip ashqan otbasylardyń búgingi tynys-tirshiligimen tanysty, dep habarlaıdy QazAqparat tilshisi.
Kásip ıeleri úsh apta buryn berilgen quraldary, ónimderiniń nátıjesinde táttilerin daıyndap, tutynýshylarǵa usynýda. Dúkenderge ótkizip, osylaısha eńbeginiń jemisi men nápaqasyn kórýde. Máselen, Jarqynaı Paýzı esimdi kelinshekke áleýmettik joba arqyly sandyq jasaýǵa arnalǵan jıhaz taqtaıy, mata, sonymen birge barlyq quraldaryn qosa tartý etildi. Osylaısha alty balasy bar ana kórsetilgen kómektiń jemisin kóretinine senimdi. Aıta keteıik, jyl boıyna jalǵasatyn jobaǵa turmys jaǵdaıy tómen otbasylar qatysa alady. Onyń ereksheligi – eshqandaı qujat ótkizýdiń qajeti joq. Al, ótinishti turǵyndar halyqty jumyspen qamtý ortalyǵyna ótkize alady.
