«Meniń Elim» avtomotosherýiniń qatysýshylary - Astanada
Qazaqstan halqy Assambleıasynyń 20 jyldyǵyna oraılastyrylǵan jobany «Qazaqstan 2050» Jalpyulttyq qozǵalysynyń aıasynda «Wheels Brothers MC» Atyraý motoklýbymen birlese ótkizýde. 29 mamyrda Atyraýdan bastaý alǵan joba otanymyzdaǵy túrli ulttar men konfessııalar arasynda dostyq qarym-qatynas pen baılanys ornatý jáne kezdesýler arqyly kópultty elimizdiń birtutastyq ıdeıasyn qoldaýdy kózdeıdi. Bul aktsııa Qazaqstan halqy Assambleıasynyń negizine Elbasy salǵan ıdeıalardy jas urpaqqa áserli, qoljetimdi ári túsinikti tásilmen jetkizý isine Qazaqstan jastarynyń belsendi bóligin tartýǵa múmkindik bermek.
Aıta ketken jón, avtomotosherýshiler Qazaqstannyń 20-dan astam qalalary (Atyraý, Oral, Aqtóbe, Baıqońyr, Qyzylorda, Túrkistan, Shymkent, Almaty, Úsharal, Zaısan, Óskemen, Semeı, Pavlodar, Astana, Zerendi, Qostanaı) men eldi mekenderin basyp ótedi. Joldaǵy jalpy ýaqyt 18 kún, al júrip ótetin jol 8500 shaqyrym .
«Meniń elim» avtomotosherýi bıyl ekinshi jyl qatarynan ótip jatyr. Biz byltyr 18 qalany qamtysaq, bıyl qalalar tizimine taǵy birqatary qosyldy. Ár shaharda jańasha oılary bar dostarmen tanysyp, buryn tanyp-bilmegen jerlerde bolyp, ózimiz úshin kóp ultty Qazaqstannyń beımálim tynys-tirshiligin bildik»,-deıdi avtomotosherýdiń uıymdastyrýshysy Atyraýdaǵy «Wheels Brothers MC» motoklýbynyń jetekshisi Oleg Shmal.
Qazaqstan-2050» Jalpyulttyq qozǵalysynyń habaarlaýynsha, Atyraýdan attanǵan sherýshiler qatary ózge aımaqtardaǵy avtomoto qozǵalys ókilderimen tolyǵyp otyrady.
