«Meniń elim-2023» motojoryqshylary Aqtaýdan Qazaqstandy aralaýǵa attandy
AQTAÝ. QazAqparat - «Meniń elim-2023» motojoryq músheleri Aqtaýdan Qazaqstandy aralaýǵa saparǵa attandy, dep habarlaıdy QazAqparat tilshisi.
7 adamnan qurylǵan motosherýshiler Atyraýdy betke aldy. Ári qaraı Oral-Aqtóbe-Shymkent-Almaty-Óskemen-Astana-Kókshetaý-Petropavl-Qostanaı baǵytymen júredi. Jospar boıynsha sapar 15 maýsym kúni Aqtaýda aıaqtalady.
Motokerýenniń maqsaty - qazaqstandyqtardyń motosportqa degen qyzyǵýshylyǵyn arttyrý, birtutastyq pen birlikke úndeý.
Sapar barysynda aqtaýlyq motosherýshilerge ár qaladan baıkerler qosylatyn bolady.
«Elimizdegi motosporttyń damýyna septigińizdi tıgizip jatsyzdar. Sáttilik!» dedi Mańǵystaý oblystyq sport jáne dene shynyqtyrý basqarmasy basshysynyń m.a. Aıbek Imashev.
