Meniń balalarym mekteptegi tártipke shaǵym aıtyp kórgen joq – Altaı Kólginov
ASTANA. QazAqparat – QR Permer-Mınıstriniń orynbasary Altaı Kólginov óz balalarynyń mektepte eshqandaı qysym sezinbeıtinin aıtty, dep habarlaıdy QazAqparat tilshisi.
«Petropavlydaǵy jaǵdaıdan keıin mekteptegi balalaryńyzdyń qaýipsizdigi úshin alańdamaısyz ba? Olar mektepte ózderin bireýlerdiń renjitip júrgenin aıtyp shaǵymdanǵan joq pa?», - dep surady BAQ ókili vıtse-premerden.
Onyń aıtýynsha, mekteptegi qaýipsizdik máselesi ár qazaqstandyqty alańdatýy kerek.
«Joq, men balalarymnan ondaı shaǵym alǵan joqpyn. Men bárimiz kún saıyn bala tárbıesimen aınalysyp, mekteptegi qaýipsizdigin qamtamasyz etýimiz kerek dep oılaımyn», - dedi Altaı Kólginov.
Sondaı-aq, ol qazir birneshe mınıstrlik pen jergilikti ákimdikter mektepterdegi qaýipsizdik deńgeıine tekserý júrgizip bastaǵanyn aıtty.
