Meniń aılyǵym ósken joq - Aıjan Esmaǵambetova

NUR-SULTAN. QazAqparat –QR Bas memlekettik sanıtar dárigeri Aıjan Esmaǵambetova koronavırýs indetimen kúres kezindegi óziniń aılyǵy týraly suraqqa jaýap berdi, dep habarlaıdy QazAqparat tilshisi.

Áleýmettik jelidegi onlaın baspasóz máslıhatynda epıdemııa kezinde quzyret artyp, jumystyń kóbeıýine baılanysty Bas memlekettik sanıtar dárigerdiń jáne óńirlerdegi bas sanıtar dárigerdiń jalaqysy qanshalyqty ózgergeni týraly suraq qoıyldy.

«Prezıdent tapsyrmasy boıynsha qaýip dárejesine sáıkes, sanıtarlyq-epıdemıologııalyq qyzmetiniń mamandaryna eńbekaqyǵa ústemaqy tóleý qarastyrylǵan», - dedi A. Esmaǵambektova.

Osy oraıda ol óńirlerdegi dárigerlerge tıisti tólemderdi alǵanyn jetkizdi.

«Óńirlerde aldy. Meniń aılyǵym ósken joq», - dep naqtylady QR Bas memlekettik sanıtar dárigeri.