«Meniń atym Qoja» fılmi Londonda aǵylshyn tilinde kórsetiledi
NUR-SULTAN. QazAqparat- «Meniń atym Qoja» fılmi 6-10 maýsym aralyǵynda Londonnyń kınozaldarynda kórsetiletin boldy. Bul týraly Eýrazııalyq kınofestıval dırektory Maıra Qarsaqbaeva «Egemen Qazaqstan» gazetine bergen suhbatynda málim etken. Jobany londondyq «Romford film festival» kompanııasy qarjylandyrdy.
«Bul uzaq jylǵy kelissózdiń nátıjesi. Ortalyq Azııa elderi tarıhynda qazaq kınosy tuńǵysh ret aǵylshyn tiline tárjimálandy. Dýblıajǵa amerıkalyq kıno-teatr úıirmeleriniń músheleri qatysty. Olardy tabý nemese kelistirý bizge ońaı bolǵan joq», - degen eken Maıra Qarsaqbaeva jýrnalıspen áńgimesinde.
Sonymen qatar, «Romford film festival» shymyldyǵy qazaqtyń klassıkalyq kınosymen ashylady. Kınofestıvalde qazaqstandyq kınorejısser Ázız Zaıyrovtyń «Qyz ben teńiz» kınosynyń tanystyrylymy bolady.
«Bul «Meniń atym Qojanyń» alǵashqy shetelge shyǵýy emes. 2018 jyldyń qazan aıynda Berdibek Soqpaqbaevtyń «Meniń atym Qoja» kitaby tuńǵysh ret túrik tiline aýdarylyp, Anadoly jerindegi oqyrmandarymen qaýyshqan bolatyn. Dúnıejúziniń 67 tilinde jaryq kórgen shyǵarmany túrik tilinde sóıletken aýdarmashy Jamılá Kynadjy», - delingen aqparatta.
