«Meniń atam-maıdanger» shyǵarmashylyq baıqaýy márege jetti
dep habarlaıdy QazAqparat.
Astana qalasy ákimdiginiń qoldaýymen Uly Jeńistiń 65 jyldyǵyna arnalyp ótken atalǵan baıqaýǵa elordalyq oqýshylarmen qatar respýblıkanyń basqa da aımaqtaryndaǵy mektep oqýshylarynan 100-ge jýyq shyǵarmalar kelip túsken. Qazylar alqasynyń talqysynan keıin iriktelgen 65 shyǵarma gazet betinde jaryq kórdi. Olardyń ishinde 10 shyǵarma úzdik dep tanyldy.
«Meniń atam-maıdanger» baıqaýy sekildi sharalar jas urpaqty otansúıgishtikke tárbıeleıtin ıgilikti sharanyń biri dep oılaımyz. Osyndaı baıqaýdy uıymdastyrǵan astanalyq gazetke alǵys aıtamyz. Soǵystaǵy kórgen beınetimizdi, erligimizdi nemerelerimiz jáne shóberelerimizdiń bilgeni biz úshin shynymen de júrek tolqytatyn jaǵdaı. Ramet, barshalaryńyzǵa», - dedi baıqaý júldegerlerin quttyqtaý kezinde qart maıdanger Kóshkentaı Raqyshev.
Sonymen, birinshi oryndy Astanadaǵy akademık Á. Marǵulan atyndaǵy №40 mekteptiń 11 synyp oqýshysy Nurbek Bórinemeresi jeńip aldy. Ekinshi orynǵa elordalyq oqýshylar Ánel Ahmatýllına men Qazbek Muharbek ıe boldy. Al úshinshi oryndy úsh oqýshy ıelendi. Baıqaý jeńimpazdaryn Uly Otan soǵysynyń ardagerleri, ıaǵnı Stalıngrad shaıqasynyń qaharmany Kóshkentaı Raqyshev pen Ýkraına maıdanynyń jaýyngeri Seıilbek Ýsın, Astana qalasy bilim basqarmasynyń bastyǵy Ásıma Bımendına, sondaı-aq Jaýynger-ınternatsıonalıst Q. Abdrahmanov atyndaǵy sporttyq-patrıottyq qordyń atqarýshy dırektory Sansyzbaı Jumanbaev saltanatty túrde dıplomdar men baǵaly syılyqtar tapsyrdy.
Atap aıtqanda, «Meniń-atam maıdanger» baıqaýyna kelip túsken úzdik shyǵarmalar jeke kitap bolyp shyqty. Qatysýshylardyń barshasyna kádesyı retinde tartý etilgen bul kitapty Astanadaǵy «Zerde» tilderdi damytý jónindegi ınnovatsııalyq ortalyq basyp shyǵardy.
