«Meniń anam men ákem» ádebı baıqaýyna kez kelgen talapty jan qatysa alady
Ádebıettegi esse - oqyrmandy oı teńizinde júzdiretin, tańdaı qaqtyratyn, ózinshe oılap-seziný qajettiligin týǵyzatyn, qanyńdy qyzdyryp, rýhanı álemińe azyq syılaıtyn, dúnıe qubylystaryn ótkir qabyldaýymen erekshelenetin kórkem týyndy. «Meniń anam... Meniń ákem...» arnaıy jobasynyń aıasynda uıymdastyrylyp otyrǵan ádebı baıqaýǵa jasyna, kásibine, ultyna, mamandyǵyna qaramastan kez kelgen jeke tulǵa qatysa alady, dep habarlaıdy Ádebıet portaly. Baıqaýdyń maqsaty - adamdardyń shyǵarmashylyq oılaý daǵdysyn jetildirý, kórkem ádebıetke baýlý, árbir adamdy ata-anasyn qurmettep, únemi habarlasyp, hal-jaıyn bilip-turýǵa úndeý. «Meniń anam men ákem» taqyrybynda jazylǵan úzdik esseler ınternette keńinen nasıhattalmaq. Baıqaýda 1 bas júlde, bir 1-shi oryn, eki 2-shi oryn, úsh 3-shi oryn berilmek. Oǵan qosa, tyń týyndysymen erekshelengender bes yntalandyrý syılyǵymen jáne «Ádebıet portalynyń» arnaıy júldesimen, arnaıy dıplomdarmen jáne baǵaly syılyqtarmen marapattalady. Aıta keteıik, úzdik jumystar konkýrstyń qazylar alqasynyń daýyc berýi arqyly jáne áleýmettik jelilerde baǵalanýy arqyly anyqtalmaq. Jeńimpazdardyń úzdik dep tanylǵan shyǵarmalary tanymal tulǵalardyń «Meniń anam... Meniń ákem...» jobasyndaǵy úzdik týyndylarymen qatar arnaıy jınaq bolyp basylyp shyǵady. Baıqaýǵa shyǵarmalar 2014 jyldyń 1 jeltoqsanyna deıin qabyldanady, al jeńimpazdardy marapattaý rásimi 2014 jyldyń 16 jeltoqsanynda ótkiziledi. Baıqaý sharttarymen tolyǵyraq adebiportal.kz saıtynda tanysýǵa bolady.