«Meni jertólede qınap ustap otyr»: Polıtsııaǵa ótirik aıtqan Pavlodar turǵyny jazalandy
PAVLODAR. QazAqparat - Bıyl polıtseıler «102» arnasyna 57 500-ge jýyq qońyraý qabyldady. Onyń 17-si jalǵan bolyp shyqty, dep habarlaıdy Ravlodarnews.kz.
Óńirlik polıtsııa departamenti baspasóz qyzmetiniń málimdeýinshe, polıtsııa qyzmetkerleri qyzmetiniń mańyzyn túsinbeı jáne saldary týraly oılamaı, óziniń jeńil minez-qulqynan nemese mas bola tura adamdar polıtsııaǵa jalǵan shaqyrý joldaıdy.
Al jalǵan habar boıynsha shyqqan polıtseıler azamattardyń ómiri men densaýlyǵyn saqtaý úshin dál osy sátte qajet bolýy múmkin ýaqytty joǵaltady. Polıtsııaǵa kelip túsetin barlyq qońyraýlar tirkeledi jáne tekseriledi.
- Mysaly, «Tele-2» operatoryna kómek kórsetý týraly ótinish kelip tústi. Qońyraý shalǵan er adam ózin tanystyrmady jáne ony jertólede belgisiz adamdardyń ustap otyrǵanyn jáne qoldary baılaýly ári basqa adamǵa qońyraý shalýǵa múmkindigi joq ekenin túsindirdi. Operator jedel túrde polıtsııaǵa shaqyrý berdi, - deıdi departamentte.
Jedel-izdestirý is-sharalary barysynda qońyraý shalǵan adam anyqtaldy. Óz qylyǵyn ol jalǵyz ishimdik iship otyryp, oıdan shyǵarǵanyn aıtyp túsindirgen.
Osylaısha qaskúnem óz kinásin moıyndaǵan. Atalǵan faktige qatysty ol Ákimshilik quqyq buzý kodeksiniń 438-baby 1-bóligi boıynsha ákimshilik jaýapkershilikke tartyldy.
