Meni tiri dep tanysyn: Qostanaı turǵyny óziniń ólmegenin sotta dáleldedi
QOSTANAI. QazAqparat – Sot sheshimen Qostanaı qalasynyń turǵyny tiri adamdardyń tizimine engizildi, dep habarlaıdy QazAqparat oblystyq Memlekettik qyzmet isteri jónindegi departamenttiń baspasóz qyzmetine silteme jasap.
Oblysta maýsym aıynyń ortasynda Memlekettik qyzmet isteri jónindegi departamenttiń uıymdastyrýymen «Halyqqa jaqyn» aktsııasy ótken bolatyn. Onyń barysynda departamentke er adam jeke suraǵymen júgingen. Ol óziniń qaıtys bolǵan adamdardyń tizimine engenin aıtqan. Muny júrgizýshi kýáligin aýystyrý úshin HQO-ǵa barǵan kezde bilgen.
«Qostanaı turǵyny jergilikti ákimdikten kómek surap kelgen. Bul máseleni Memlekettik qyzmet isteri jónindegi departament erekshe baqylaýǵa aldy. Er adamǵa tıisti talap-aryz jasaýǵa, tiri dep taný úshin qajetti dáleldemelerdi jınaýǵa kómek kórsetildi. Mine, osydan keıin qalalyq sot azamattyń aryzyn qanaǵattandyryp, sottyń burynǵy sheshimin buzdy», - deıdi vedomstvonyń baspasóz hatshysy Aıda Bajırova.
Departamenttegiler osyndaı aktsııalardyń halyqqa túrli máselelerdi sheshý kezinde qajet ekenin atap ótti.
