«Menedjment JMQ» JShS men Qazaqstannyń turǵyn úı-kommýnaldyq sharýashylyǵyn jańǵyrtý ortalyǵy» AQ sala boıynsha jańa standarttardy engizýge daıyn
ASTANA. Mamyrdyń 6-sy. QazAqparat /Qanat Mámetqazyuly/ ‑ Keshe «Qazaqstannyń turǵyn úı-kommýnaldyq sharýashylyǵyn jańǵyrtý ortalyǵy» AQ men «Menedjment JMQ» JShS-iniń basshylary kezdesti,
dep habarlaıdy QazAqparat «Samuryq-Qazyna» qorynyń baspasóz qyzmetine silteme jasap.
Júzdesý barysynda turǵyn úı-kommýnaldyq sharýashylyǵy salasyndaǵy problemalarmen qatar osy saladaǵy ózara árekettestik baǵyttarynyń jańa úlgileri men ádistemeleriniń Qazaqstan Respýblıkasyndaǵy qalyptasý jáne engizilý múmkindikteri talqylandy. Jıyn qorytyndysy boıynsha ózara árekettestik jónindegi memorandýmdy ázirlep, bekitý, sonymen qatar basqarýshy kompanııalardyń jumysyna arnalǵan standarttardy qalyptastyrý týraly sheshim qabyldandy. Budan bólek, Qazaqstan Respýblıkasynyń turǵyn úı-kommýnaldyq sharýashylyǵynyń jumysyn retteıtin normatıvtik jáne zańdyq bazasyn jetildirýge negizdelgen birikken sharalardy ótkizý týraly ýaǵdalastyqtar jasaldy.
Esterińizge sala keteıik, «Menedjment JMQ» JShS - «Samuryq-Qazyna» Jyljymatyn múlik qory» AQ-nyń enshiles uıymy bolyp tabylady. Basqarýshy kompanııanyń negizgi baǵyttary turǵyn jáne kommertsııalyq orynjaılardy jalǵa berý bolyp otyr. Sonymen qatar, «Menedjment JMQ» Basqarýshy kompanııasynyń maqsaty - Jyljymaıtyn múlik qorynyń qarjysy kómegimen salynǵan ǵımarattar men nysandardyń qoldanysqa berilýi men tehnıkalyq qyzmetin qamtamasyz etý.
