Men jumysqa tańǵy saǵat 8-de baryp otyramyn - mınıstr Qasymbek Astanadaǵy keptelister jaıynda
ASTANA. QazAqparat - Úkimettiń búgingi otyrysynan keıin ótken baspasóz máslıxatynda QR Investıtsııalar jáne damý mınıstri Jeńis Qasymbek Astananyń búgingi keptelisterge qatysty óz oıyn qysqa ǵana jaýappen jetkizdi, dep xabarlaıdy QazAqparat tilshisi.
Jýrnalısterdiń "Astanadaǵy búgingi keptelister sizge sezildi me? Ádettegi ýaqyttan erte shyǵýǵa týra kelgen joq pa?" degen suraǵyna mınıstr Qasymbek: "Men kúnde jumysqa tańǵy saǵat 8:00-de baramyn. Erterek", - dep qysqa ǵana jaýap berdi.
Aıta keteıik, elordada tolassyz jaýǵan qardyń saldarynan búgin tańerteń uzyn-sonar keptelister paıda boldy. Astanalyqtar bir-eki aıaldamanyń qashyqtyǵyn bir saǵattyń ishinde áreń júrip ótti. Kóbisi jumysqa keshigip keldi. Úkimet músheleri de jumysqa keshigip, otyrysty belgilengen ýaqytta bastaı almady. Osyǵan baılanysty Premer-mınıstr Baqytjan Saǵyntaev qala ákimi Áset Isekeshevten esep berýdi talap etip, "Áset Órentaıuly, bıylǵy qys sizdiń alǵashqy synaǵyńyz!", - dep, onyń osy synaqtan súrinbeı ótýine tilektestik bildirdi.
