Men úshin jýrnalıstıka kásip qana emes - óner - Nurtileý Imanǵalıuly
ALMATY. 16 tamyz. QazAqparat /Erlik Erjanuly/ - Osy forýmǵa qatysyp otyrǵan jastardy bizdiń táýelsizdigimizdiń talantty týyndylary dep ataǵandy jón kórem.
Ony belgili telejýrnalıst, Temirbek Júrgenov atyndaǵy óner akademııasynyń professory Nurtileý Imanǵalıuly búgin Almatyda ótip jatqan IV «Qalamger - Azamat» jas jýrnalıster forýmynda aıtty.
«Forýmǵa kez-kelgen adam qatyspaıdy. Soǵan sengim keledi. Forýmǵa óziniń aıshyqty oıymenen eldiń kózine túsken óziniń talantymen, darynymen moıyndata bastaǵan jastar qatysady ǵoı dep oılamyn. Ylǵı talantty jastardyń basy qosylsa, dastarhan basyndaǵy áńgime ne resmı quttyqtaý sııaqty sharttardan bólek jáne forýmnyń aıasynan tys áńgimeler júrý kerek. Ol áńgimeler birine-biri paıdasyn tıgizetin, birinen-biri úırenetin mektep bolý kerek dep oılaımyn», - deıdi telejýrnalıst Nurtileý Imanǵalıuly. Onyń paıymdaýynsha, búgingi aqparat aǵynynda óz jolyńdy tabý jáne ony ulttyń qadirine jaratatyn oı aıta bilý talanttardyń isi bolýǵa tıis.
