Men úshin óz komandamnyń jeńisi bárinen de qymbat - Erjan Músápirov
GÝıANG. 6 mamyr. QazAqparat /Erlik Erjanuly/ - Jekelegen chempıonatqa deıin qalpyma kelýge ýaqyt jetkilikti.
Ony 27 mamyrda Búkilemdik boks serııasy aıasynda ótetin jekeleı synǵa joldama alǵan «Astana arlandary» komndasynyń múshesi Erjan Músápiorv búgin Qytaıdyń Gýıang qalasynda ótken baspasóz máslıhatynda aıtty.
Erjan komandalas ózge serikterimen birge erteń Búkilálemdik boks serııasynyń aqtyq saıysynda «Astana arlandary» men «Parıj ıýnaıted» arasynda ótetin aqtyq saıysta óner kórsetedi. Buǵan deıin ol óz komandasy sapynda Búkilálemdik boks serııasy aıasyndaǵy 7 jekpe-jekte baq synap tek bireýinde jeńilis tapqan edi. Bul joly Abdelkader Shadımen judyryq túıistirmek.
«Men úshin aqtyq synda óz komandamnyń jeńisi bárinen de qymbat. Jekeleı synǵa deıin óz babyma kelýge jetkilikti ýaqyt bar. Qorqatyn eshteńe de joq», - deıdi Erjan Músápirov. 61 keli salmaqta sharshy alańǵa shyǵatyn onyń jekeleı syndaǵy qarsylasy qytaılyq Jımın Ýang bolmaq. Onda jeńiske jetken boksshy 20 myń AQSh dollary kólemindegi syıaqy men Olımpıada joldamasyn ıelenedi dep josparlanýda.
