Men úshin el úmitin aqtaǵannan, jurt senimin saqtaǵannan basqa baqyt joq -Elbasy
ASTANA. 8 sáýir. QazAqparat / Qanat Mámetqazyuly/ -Men úshin el úmitin aqtaǵannan, jurt senimin saqtaǵannan basqa baqyt joq. Búgin Astanadaǵy Táýelsizdik saraıynda ótken ulyqtaý rásiminde Qazaqstan halqyna Ant berip, jańa prezıdenttik merzimge resmı kiriskennen keıin sóılegen sózinde QR Prezıdenti Nursultan Nazarbaev osylaı málimdedi.
«Men jańa ǵana Qazaqstan Prezıdenti retinde ata-babamyzdan qalǵan aq kıizdiń ústinde turyp, saltanatty túrde ant berdim. Meniń aınymas antym - amanatqa adaldyqtyń, senimge sertiń belgisi bolýy kerek. Aqjúrek jurtymnyń qaltqysyz senimi qashan da maǵan orasan zor jaýapkershilik júgin mindetteıdi. Men úshin el úmitin aqtaǵannan, jurt senimin saqtaǵannan basqa baqyt joq», - dedi Elbasy.
Sonymen qatar Prezıdent óziniń keshegi saılaýdaǵy jeńisin - halqynyń yntymaq-birliginiń máýeli jemisine balady. «Halqymnyń qoldaýy maǵan sarqylmas kúsh-jiger beredi. Bizdiń baǵdarymyz aıqyn. Endeshe bolashaǵymyz jarqyn. Biz kemel keleshektiń berik irgesin birge qalaımyz!», - dedi Prezıdent.
