Men úshin «baýyrsaq bala» jeńimpaz! - Dımash Erjan Maksımdi quttyqtady

NUR-SULTAN. QazAqparat - Ataqty ánshi Dımash Qudaıbergen Instagramdaǵy paraqshasynda «Golos. Detı» konkýrsynyń fınalynda óner kórsetken Erjan Maksımdi quttyqtady, dep habarlaıdy QazAqparat tilshisi.

Dımash Qudaıbergen «baýyrsaq bala» Erjan Maksımniń fınaldaǵy ónerin tamashalap shyqqanyn aıtyp, oǵan aldaǵy ýaqytta sáttilik tiledi.

«Baýyrsaq bala!.. Qazaǵymnyń baǵyna bitken balasyń. Jeńisiń qutty bolsyn, Erjantaı. Alar asýlaryń kóp bolsyn. 100 mln-nan astam halyqtyń arasynan 2-oryn alý degen úlken jetistik. Birinshi oryndy qyz balaǵa jigittik tanytyp bere salǵanyń da durys boldy. Naǵyz djentelmen sondaı bolady. Barlyq qatysqan búldirshinderdi quttyqtaımyn. Biraq, men úshin Erjantaı jeńimpaz!», - dep jazdy Dımash.

Buǵan deıin oraldyq ánshi Erjan Maksımniń reseılik «Golos. Detı» konkýrsynyń fınalyna joldama alǵanyn jazǵan bolatynbyz. Alaıda, qazaqstandyq ánshi qatysqan konkýrstyń qorytyndysyna baılanysty daý týyndady.