«Men syılyq almaımyn» - Aqtóbelik ustazdardyń chellendji

AQTÓBE. QazAqparat - Aqtóbelik ustazdarǵa úndeý tastaldy. Olar «Men syılyq almaımyn» chellendjin qoldap, áleýmettik jelige, ata-analarǵa taratyp jatyr, dep habarlaıdy QazAqparat tilshisi.

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti «Men syılyq almaımyn!» úndeýin jarııalady. Qazir oblystaǵy mektep, balabaqshalardyń barlyǵy áleýmettik jeli atqyly ata-analarǵa aqsha suramaıtynyn, syılyq almaıtynyn jarııalap jatyr.

«Jalpy konferentsııa kezinde «Men syılyq almaımyn» úndeýi jarııalandy. Úndeýdi muǵalimder qoldap, ata-analardyń áleýmettik jelidegi chatyna, áleýmettik jelige jarııalap jatyr. Chellendjdi bastaýǵa qoǵamdyq baqylaý kartasyndaǵy suraqtar sebep boldy. Áleýmettik jelini qarap otyrǵan kezde jańa oqý jylynda mektepke, muǵalimge aqsha jınaý týraly aryzdar tústi. Kómek berýge bireýiniń jaǵdaıy keledi, ekinshisi qaýqarsyz. Áleýmettik arazdyq bolmas úshin chellendj ótkizýge sheshim qabyldandy»,- dedi QR Memlekettik qyzmet isteri jáne sybaılas jemqorlyqqa qarsy is-qımyl agenttigi, oblystyq departamentiniń basqarmasy basshysy Erbol Tolybaev.

Aıta keteıik, chellendj jańa oqý jyly men muǵalimder kúni qarsańynda josparly túrde ótkizilip jatyr. Qazirgi ýaqytta mektepter men balabaqshalar áleýmettik jeli arqyly syılyq alýǵa qarsy ekenin bildire bastady.