Men Stıv Rollsty qurmetteımin - Gennadıı Golovkın

NUR-SULTAN. QazAqparat - Qazaqstandyq boksshy Gennadıı Golovkın (38-1-1, 34 KO) kanadalyq Stıv Rollspen (19-0, 10 KO) aldaǵy jekpe-jegi týraly aıtty, dep habarlaıdy, Sports.kz.

«Men Stıvti qurmetteımin jáne onymen rıngte kezdesý oıyn emes. Men boksta kez kelgen adamnyń múmkindigi bar ekendigin taǵy da qaıtalap aıtqym keledi. Rolls eshteme joǵaltpaıdy, kersinshe kóptegen múmkindikterge qol jetkizýi múmkin. Ol Nıý-Iorktegi eń «qaýipti» jigitterdiń biri bolyp tanylady. Bul jekpe-jektiń qalaı aıaqtalatynyn bilmeımin. Bul boks, onyń qalaı bolatynyn bilmeısiń. Árıne, múmkindigim bolsa men aıqasty tezirek aıaqtaýǵa tyrysamyn», - dedi Golovkın.

Eske salsaq, buǵan deıin Golovkın men Rollstyń Nıý-Iorktegi ashyq jattyǵýynyń vıdeosy jarııalandy.

Golovkın-Rolls kezdesýi 9 maýsym kúni tań ata ótedi. Bul 37 jastaǵy qazaqstandyq boksshynyń DAZN strımıng alańyndaǵy debıýti bolmaq. Jýyrda ǵana ol jańa teleseriktespen quny 100 mln dollardy quraıtyn kelisimshartqa qol qoıdy. Kelisim talaptaryna sáıkes, qazaqstandyq boksshy DAZN alańynda eki jylda 6 kezdesý ótkizýi kerek.