Men saılaýaldy belsindi úgit-nasıhat jumysyn júrgizbeımin, onyń ornyna memlekettik saıasattyń ózekti máselelerin iske asyratyn bolamyn-N. Nazarbaev
ASTANA. 3 naýryz. QazAqparat - Búgin "Nur Otan" HDP ortalyq apparatynyń ǵımaratynda Respýblıkalyq saılaýaldy qoǵamdyq shtabtyń múshelerimen kezdesýinde Elbasy Nursultan Nazarbaev saılaýaldy belsindi úgit-nasıhat jumysyn júrgizbeıtinin, onyń ornyna memlekettik saıasattyń ózekti máselelerin iske asyratynyn aıtty.
«Táýelsizdik jyldary ishinde biz el aldyna qoıǵan barlyq maqsatqa qol jetkizdik. Odan ári damýymyz úshin jaqsy baza qalyptasty. Bizdiń jetistikterimiz - maǵan qoldaý bildirýge shaqyratyn jaqsy úgit-nasıhat. Sondyqtan men saılaýaldy belsindi úgit-nasıhat jumysyn júrgizbeý týraly sheshim qabyldadym. Onyń ornyna memlekettik saıasattyń ózekti máselelerin iske asyratyn bolamyn. Men bıylǵy Qazaqstan halqyna Joldaýymda atap kórsetken mindetterdiń oryndalýy úshin kúndelikti memlekettik istermen aınalysamyn. Bul durys sheshim bolǵandyqtan qazaqstandyqtar ony oń qabyldaıdy dep sanaımyn», - dedi Nursultan Nazarbaev.
Memleket basshysy úgit-nasıhat jumystaryn uıymdastyrý kezinde formaldy qadamnan aýlaq bolý qajettigin atap ótti. Úgit-nasıhat naýqanyna arnalǵan shyǵyndar tek qana saılaý qorynyń aıasynda júzege asyrylýy tıis.
