Men saıasatker de, sheneýnik te emespin, ózimdi naqty ispen dáleldeımin - Golovkın

ASTANA. KAZINFORM – Búgin Qazaqstan Ulttyq olımpıada komıtetiniń prezıdenti bolyp saılanǵan Gennadıı Golovkın saılaýǵa baılanysty pikirimen bólisti.

«Jańa laýazymda elimizdiń atynan áreket etý - men úshin zor mártebe. Maǵan Qazaqstan Ulttyq olımpıadalyq komıtetin basqarýdy usynǵanda, qazaqstandyq sportty damytýǵa óz úlesimdi qosýǵa múmkindik berse ǵana, kandıdatýramdy usynatynymdy aıttym.

Ózderińiz biletindeı, men saıasatker de, sheneýnik te emespin. Óz oıymdy, josparymdy sózben emes, ispen dáleldep úırengenmin.

Osy oraıda, meniń óz kózqarasym, jyldar boıy jınalǵan halyqaralyq tájirıbem baryn, komanda baryn aıtqym keledi. Al eń bastysy jáne meniń kópten bergi qalaýym – bul barlyǵyn da ózimniń týǵan elimde júzege asyrý», - dedi Qazaqstan UOK jańa basshysy Bas Assambleıasynyń kezekten tys otyrysy aıasynda. 

Esterińizge sala kteıik, osyǵan deıin Gennadıı Golovkın Ulttyq olımpıada komıtetiniń prezıdenti bolyp saılanǵanyn jazǵan bolatynbyz.