Men sáýleti jarasqan erekshe qalada turatyn astanalyqtarǵa qyzyǵa qaraımyn - Eýroparlament depýtaty
BRıÝSSELЬ. QazAqparat - Astanalyqtar tamasha qalada ómir súrýde, olarǵa qyzyǵa qaraımyn. Bul pikirdi Latvııadan Eýroparlament depýtaty Andreı Mamykın «QazAqparat» HAA tilshisine bergen suhbatynda bildirdi.
«Astanalyqtardyń keremet qalada turatynyna qyzyǵa qaraımyn. Qala ońaılyqpen salynbasa da, jumylǵan kúshtiń arqasynda boı kóterdi. Qazir Astanada turýdyń ózi bir mártebe. Sondyqtan da eldiń ár túkpirinen astanaǵa aǵylyp kelýshiler arta túsýde», - dedi A. Mamykın.
Eýrodepýtattyń aıtýynsha, elorda zamanaýı zııatkerlik joǵary oqý oryndarymen el azamattaryn ózine tarta túsýde. Bul oqý oryndarynda bilim alý qazaqstandyqtar úshin ǵana emes, álemdegi basqa memleketterden kelgen stýdentter úshin de erekshe mártebe.
«Astanalyqtardyń óz qalasyna degen mahabbaty arta tússin degen tilek bildirgim keledi. Astana turǵyndaryn shyn júrekten búgingi merekelerimen quttyqtaımyn. Sonymen birge, Astana meniń eń súıikti qalalarymnyń biri ekenin aıta ketkim keledi», - dep oıyn bildirdi A. Mamykın.
