«Men saǵan senemin» - Dımash Ýkraınada synǵa túsken Danelııaǵa qoldaý bildirdi
ASTANA. QazAqparat - Qazaqstannyń atyn álemge tanytqan ánshi Dımash Qudaıbergen Ýkraınada balalardyń arasynda ótip jatqan án saıysynda tóreshilerdi tań qaldyrǵan Danelııa Tóleshovaǵa qoldaý bildirdi, dep habarlaıdy «QazAqparat» HAA tilshisi.
«Bárekeldi hanshaıym! Sen ándi keremet oryndadyń. Sen aqtyq saıysqa deıin jetersiń degen úmittemin. Men saǵan senemin», - dep jazdy Danelııa Tóleshovanyń Instagram paraqshasynyń astyna pikir qaldyrǵan Dımash Qudaıbergen.
Dımashtyń jas órenge sát-sapar tilep jatqanyna ánshiniń jankúıerleri de (dimashdearstar) iltıpatyn bildirýde.
«Dımash, bizdi tańǵaldyrýdy qashan qoıasyń? Sen Qytaıdasyń, jeke kontsertińe daıyndalyp, albom jazyp jatyrsyń. Sonda da eldegi jańalyqty bizden jaqsy bilip otyrsyń. Konkýrsqa qatysýdyń aýyr ekenin senen artyq eshkim túsinbeıtin shyǵar. Sondyqtan oǵan qoldaý kórsetip jatyrsyń. Senen úlgi alyp óssin Danelııa», - dep jazady Dımashtyń jankúıerleri.
Aıta keteıik, almatylyq Danelııa Tóleshova Ýkraınada Demı Lovatonyń «Stone Cold» ánin oryndap, tóreshiler men kórermenderdi tańǵaldyrǵan bolatyn. Ýkraına tóreshileri almatylyq oqýshyny «qubylys» dep tanyp, oǵan «álemniń bolashaq juldyzy» dep baǵa bergen edi.
