Men reseılikterden emes, jankúıerler senimin aqtaı almaı qalam ba dep qorqam - M.Bespaev
ALMATY. QazAqparat - Almaty jurtshylyǵy qazaqstandyq jáne reseılik óner juldyzdarynan quralǵan «Alataý» men «Starko» fýtbol klýbtary arasynda ótetin "juldyzdy fýtboldy" kórýge Ortalyq stadıonǵa qaraı aǵylýda.
Ǵımarattyń mańaıy tártip saqshylarymen qorshalǵan.
Dál qazir sportshylar jýrnalısterge suhbat berýde. "Olardyń boıynyń uzyndyǵy ǵana alańdatyp otyr. Barlyǵy derlik Chelsı oıynshylary sııaqty boıshań eken. Men buryshtama dopty baspen soqqanǵa sheber edim. Endi bir aı boıy jattyqqan eńbegimiz esh ketpeıdi dep senemin", - dedi Sáken Maıǵazıev.
Bizdiń komandany qoldaýǵa kelgen "Azııa" tobynyń ánshisi Rınat qazaq komandasynyń jeńisine 98 paıyz senetinin aıtty.
Al, Meırambek Bespaev qarsylas komandanyń Vlad Topalov syndy oıynshylarynan qaýiptený kerektigin jetkizdi.
"Men qarsylas komandadan emes, bizge jankúıer bolyp kelgen kórermenderdiń úmitin aqtaı almaı qalam ba dep qorqam", - dedi Meırambek.
