Men ózime júktelgen senimdi ǵana emes, qyrýar qarajatty da aqtaýǵa tyrysamyn - veloshabandoz V.Nıbalı
ASTANA. 6 maýsym. QazAqparat - Maǵan qyrýar qarjy salyndy. Men ony jaqsy túsinemin. Sol sebepti senimdi de, qarjyny da aqtaýǵa tyrysamyn. Búgin Astanada ótken baspasóz máslıhatynda «Pro Team Astana» komandasynyń veloshabandozy, Djıro d'Italııa kópkúndiginiń jeńimpazy Vınchentso Nıbalı osylaı aıtty.
«Árıne, eń aldymen, «Astanaǵa» jáne barlyq jankúıerlerge maǵan senim artqany úshin zor alǵysymdy aıtamyn. Óıtkeni maǵan qyrýar qarajat salyndy. Men ony jaqsy túsinemin. Onyń barlyǵyn aqtaýǵa tyrysamyn. Álbette, buǵan deıin de jeńister boldy. Alaıda men úshin, «Astana» úshin osy jolǵy jeńistiń orny bólek. Shynymdy aıtsam, men «Astananyń» quramynda ózimdi jaqsy sezinemin. Sebebi komanda ishindegi qarym-qatynasta ózara senim bar. Jeńiske jetý úshin sol kerek. Aldaǵy Týr-de-Fransta da jeńis tuǵyrynan kórinýge tyrysamyn», - deıdi V.Nıbalı.
