Men óz qyzmetimdi abyroımen atqarýǵa tyrysamyn - QR Eńbek jáne áleýmettik qorǵaý mınıstri Serik Ábdenov
ASTANA. 24 qazan. QazAqparat - Búgin Astanadaǵy «Qazaqstan» kontsert zalynda Áleýmettik qorǵaý júıesi qyzmetkerleriniń kúnine arnalǵan merekelik jıyn ótti.
Byltyr el Táýelsizdiginiń 20 jyldyǵy kezinde Elbasy Nursultan Nazarbaevtyń jarlyǵymen Áleýmettik qorǵaý júıesi qyzmetkerleriniń kúni resmı túrde belgilendi. Atalǵan meıram bıyl alǵash ret atalyp otyr. «Áleýmettik sala qyzmetkerleri úshin bul - úlken qurmet», - dep atap kórsetti óziniń quttyqtaý sózinde QR Eńbek jáne áleýmettik qorǵaý mınıstri Serik Ábdenov. Mınıstrdiń aıtýynsha, aldaǵy qyzmeti barysynda ol buǵan deıin qolǵa alynǵan barlyq bastamalardy jalǵastyryp, tıisti deńgeıde óz jumysyn atqaratyn bolady. «Búgin men óz ustazdarym - Gúljan Janpeıisqyzy Qaraǵusova, Berdibek Mashbekuly Saparbaev pen Gúlshara Naýshaqyzy Ábdihalyqovaǵa shyn rızashylyǵymdy bildirgim kelip otyr. Olarmen birge jumys istep, men kóp nársege úırendim. Aldaǵy ýaqytta onyń bárin qyzmet barysynda qoldanyp, óz jumysymdy abyroımen atqarýǵa tyrysamyn», - dedi S.Ábdenov.
Aıta ketken jón, búgingi merekelik jıynǵa QR Mádenıet jáne aqparat mınıstri Darhan Myńbaı, QR Bilim jáne ǵylym mınıstri Baqytjan Jumaǵulov, QR Eńbek jáne halyqty áleýmettik qorǵaý vıtse-mınıstri Gúlshara Ábdihalyqova, Senat jáne Parlament Májilisiniń depýtattary qatysty.
