«Men óz elimniń patrıotymyn»: Almatylyq oqýshylar esse jazýdan jarysty

ALMATY. QazAqparat - Almatydaǵy orta mektepterdiń birinde Qazaqstan Respýblıkasy Táýelsizdiginiń 30 jyldyǵyna arnalǵan «Men óz elimniń patrıotymyn» taqyrybynda esse jazýdan jarys ótti, dep habarlaıdy QazAqparat tilshisi.

Almaty qalasyndaǵy №129 orta mektep dırektorynyń tárbıe isi jónindegi orynbasary Almagúl Jeksembınanyń aıtýynsha, oqýshylar bul baıqaýǵa qýana qatysty.

Qatysýshylardyń árqaısysy ózderiniń patrıottyq sezimderin jáne óz eline degen súıispenshiligin kórsetýge tyrysty.

«Men óz elimniń patrıotymyn» taqyrybyndaǵy esse jazý baıqaýyna 5-10 synyp oqýshylary qatysty. Balalar eń aldymen, óz Otanyn, ózi týyp ósken úıdi súıý kerektigi týraly jazdy. Olar óz shyǵarmalarynda týǵan jerge, elge degen qurmetti kórsete bildi. Ata-babamyzdyń erligin keremet sýrettep jazdy. Taqyryp – ózekti. Desek te, oqýshylar úshin bul qıynǵa soqqan joq. Sebebi, esse jazýdy olar bastaýysh synyptap bastap biledi. Odan bólek, bizdiń mektepte patrıotızm taqyrybyndaǵy synyp saǵaty jıi ótkiziledi», - dedi Almagúl Jeksembına.

Esse jazý baıqaýyna barlyǵy 45 oqýshy qatysty, onyń ishinde 7 oqýshy júldeli oryndarǵa ıe boldy. Jeńimpazdar maqtaý qaǵazdarymen marapattalady. Qalǵan oqýshylarǵa baıqaýǵa qatysqany úshin arnaıy sertıfıkat beriledi.