Men oraldym: Fırýza Sháripova qarsylasyn nokaýtqa jiberetinin aıtty
Boksshy bul týraly Instagram paraqshasynda jazdy. Óziniń aıtýynsha, ol Olımpıada fınalısi Sofıa Ochıgavamen aıqasqa shyǵý úshin jan-jaqty ázirlenip jatyr.
«4 mamyrdan bastap jattyǵýǵa kiristim. Árıne, karantınge baılanysty daıyndyq men oılaǵan deńgeıde ótip jatqan joq. Onyń ústine biz dıetologpen jáne jalpy fızıkalyq daıyndyq jónindegi bapkermen jumys istep jatyrmyz. Boks jattyǵýy keıinirek bastalady. Al ázirge men úı jaǵdaıynda, baspaldaqta, jabyq aýlada dene jattyǵýyn jasap, sekirmekpen sekiremin, kóleńkemmen « aıqasyp « , tózimdi synaıtyn jattyǵýlardy jasap júrmin. Bul jekpe-jekke barymdy salyp, kádimgideı ynty-shyntymmen daıyndalyp jatyrmyn, sondyqtan kútińizder... Men oraldym jáne 4 shildede Sofıa Ochıgavany nokaýtqa jiberemin», - dep jazdy Fırýza Sháripova paraqshasynda.
Aıta keteıik, boksshy óziniń sporttaǵy jolyn osy Sofıa Ochıgavamen aıqastan bastaǵan, biraq ókinishke qaraı, jeńilip qalǵan edi.
Eske sala keteıik, 4 shildede Reseıdiń Qazan qalasynda Ochıgava - Sháripova revanshy ótedi.