«Men nege patrıot bolýym kerek?» – ulttyq qurama fýtbolshysyna shara qoldanylady
QOSTANAI. QazAqparat – Qazaqstan Fýtbol federatsııasynyń Bas hatshysy Azamat Aıtqojın ulttyq quramanyń jartylaı qorǵaýshysy Georgıı Jýkovtyń qazaqstandyq jankúıerlerge jazǵan sózine qatysty pikir bildirdi, dep habarlaıdy QazAqparat.
Fýtbol federatsııasynyń saıtynda málim etilgendeı, buqaralyq aqparat quraldary men áleýmettik jelilerde Qazaqstan ulttyq quramasynyń jartylaı qorǵaýshysy Georgıı Jýkovtyń pikiri taraldy.
«Qazaqstanda maǵan sheteldik oıynshy retinde qarady. Jergilikti fýtbolshylarǵa kórsetilgen qurmet pen qoldaýdy sezingen joqpyn. Qazir Eýropaǵa qaıta kettim, men nege birden eldiń patrıoty bolyp ony jarnamalaýym kerek? Men «Qaıratqa» rızamyn. Maǵan ońaı bolǵan joq», - dep jazdy oıynshy Instagram paraqshasynda.
Qazaqstan quramasynyń bul pikirine qatysty Azamat Aıtqojın federatsııa saıtynda jaýap jazdy.
«Fýtbolshymen kezdesip, sóılesemiz. Eger ol aıtqan sózderin moıyndasa, tıisti shara qoldanamyz. Ulttyq quramada oınaıtyn fýtbolshylar el namysyn abyroımen qorǵaýy mindet!» - dedi ol.
