Men M. Maklındi syılaımyn, biraq rıngte aıaýshylyqty kútpesin - bokstan álem chempıony G.Golovkın
ASTANA. 29 mamyr. QazAqparat - WBA nusqasy boıynsha ortasha salmaq dárejesindegi álem chempıony, qazaqstandyq boksshy Gennadıı Golovkınniń kelesi qarsylasy Mettıý Maklın bolady.
Bul týraly https://isport.ua jazyp otyr. Jekpe-jek AQSh-tyń Konnektıkýt shtaty Meshantýkete qalasynyń MGM Grand Theate zalynda ótedi.
«Jattyǵý lageri boljaǵanymyzdaı ótýde jáne men josparǵa saı ózimniń dene bitimimniń shyńyna taıap kelemin. Meniń sparrıng-seriktesterim jaqsy. Bul baǵytta Zaýyrbek Baısanǵurovty atap ótken durys. Men aldaǵy jekpe-jekke 100 paıyz ázirmin. Sondyqtan Maklınge kezdesýdiń ońaı bolatynyna úmittenýdiń qajeti joq. Men Mettıýdi syılaımyn, biraq sharshy alańda aıaýshylyqty kútpesin», - dedi suhbat barysynda G.Golovkın.
