«Men Qazaqstan zańnamasynda neni ózgerter edim?» atty konkýrs jeńimpazyna 1,5 mln. teńge buıyrdy

Qazaqstan Respýblıkasy Parlamenti Májilisi Tóraǵasynyń orynbasary Darıǵa Nazarbaeva jáne Qazaqstandaǵy iri aqparattyq portal «Zakon. kz» bastamashylyǵymen ótken konkýrstyń bas júldesi Gúljazıra Aqtóreqyzy Ilıasovaǵa buıyryp, ol 1,5 mıllıon teńgege ıe boldy.

Esterińizge sala keteıik, kásibı zańgerlerdiń azamattyq zań shyǵarmashylyǵy bastamashylyǵyn damytýǵa arnalǵan alǵashqy konkýrs 11 naýryzda bastalyp, 11 mamyrda aıaqtalǵan bolatyn. Osy ýaqyt aralyǵynda respýblıka boıynsha túrli sala ıelerinen myńnan astam jumys kelip túsken. «Eki aı ishinde biz ózimiz kútpegen nátıjeni kórip otyrmyz. Az ǵana ýaqytta ary ketse 100-ge tarta ótinish bolady dep oılaǵan edik, al myńnan astam jumys - bul eki aı ishinde ǵana júzege asyp otyr ári azamattyq qoǵamnyń zor yntasyn kórsetedi. Al konkýrs bir jylǵa jalǵassa, onda biz ıdeıa men usynystardan bas ala almaı qalatyn edik», - deıdi Májilistiń vıtse-spıkeri Darıǵa Nazarbaeva. Onyń aıtýynsha, saıysqa negizinen 10-nan astam ǵylym doktorlary, 30-ǵa jýyq kandıdattar qatysqan. Olardyń basym kópshiligi zańgerlerden (90 paıyz), ekonomısterden (8 paıyz), qalǵany - ınjenerler, dárigerler, pedagogtarsyndy basqa da mamandyq ıelerinen turady.

Sonymen sarapshylardyń qorytyndysy boıynsha «Men Qazaqstan zańnamasynda neni ózgerter edim? Nege? Bul elimizge ne beredi?» atty respýblıkalyq konkýrstyń bas júldesi «Qazaqstandaǵy zańnamany memlekettik tilge sapaly aýdarýdaǵy ózekti máseleler» atty jumys avtory Gúljazıra Aqtóreqyzy Ilıasovaǵa buıyryp, ol 1,5 mıllıon teńgege ıelendi. Ekinshi oryndy «Qazaqstandyqtardyń áleýmettik-quqyqtyq ómir sapasyn jaqsartý: jeńildikter men sharttar» atty eńbektiń avtory Abramenko Olesıa ıÝrevna enshiledi. Oǵan aqshalaı syılyq retinde 1 mıllıon teńge buıyrdy. Al úshinshi oryn Sızov Aleksandr Sergeevıchke «Energotıimdilikti arttyrýdyń qarapaıym tásilderi» atty eńbegi úshin berildi. Onyń qanjyǵasyna baılanǵan aqshalaı syıaqy 700 000 teńgeni qurady.

Osyndaı júldeli úsh orynnan basqa elimizdiń áleýmettik-mádenı damýyn zańnamalyq retteý, azamattyq quqyq, aqparattyq quqyq baǵytyndaǵy úzdik jumystar atalymdary boıynsha da syılyqtar taǵaıyndalyp, marapattaýmen qatar aqshalaı yntalandyrý júzege asty.

«Bul respýblıkalyq konkýrs oǵan qatysýshylardyń qazaqstandyq zańnama máselelerin jetkilikti biletindikterin kórsetti. Demek, saıyskerlerdiń tyń ıdeıasy men usynystary zań shyǵarý jumysynda mańyzdy ról atqaratyn bolady», - dedi Darıǵa Nazarbaeva.

Saıysqa qatysýshylar negizinen áleýmettik-ekonomıkalyq damý, bilim, densaýlyq, otbasy ınstıtýyn nyǵaıtý taqyryptaryn qamtı otyryp, jemqorlyqpen kúres, kásipkerlikti qoldaý, memlekettik qyzmet týraly zańnamany jetildirý, konstıtýtsııalyq quqyq sekildi ózekti máselelerdi de nazardan tys qaltyrmaǵan. Uıymdastyrýshylar respýblıkalyq konkýrsty jyl saıyn dástúrli túrde ótkizip turý týraly máseleni de kóterip otyr.