Men Qazaqstan bolashaǵy úshin daýys berdim - astanalyq stýdent
Elordadaǵy №111 saılaý ýchaskesinde jasy 18-ge endi tolyp, saılaýǵa alǵash qatysýshylar boldy. Birinshi ret daýys berý quqyǵyna ıe bolǵandarǵa saılaý ýchaskesi atynan estelik syılyqtar taratyldy.
«Saılaýda alǵash ret daýys berip turmyn. Men Qazaqstannyń bolashaǵy úshin daýys berdim. Saılaýǵa eshkim bar degen joq, óz sheshimim. Búginde Astana medıtsınalyq ýnıversıtetinde qoǵamdyq densaýlyq saqtaý mamandyǵy boıynsha bilim alyp jatyrmyn», -dedi elordalyq stýdent Názıra Saılaýbaı.
Astanalyq Bekzat Bókeshevte saılaýǵa alǵash qatysyp otyr.
«Jasym 18-de, jalpy medıtsına mamandyǵynyń 1 kýrs stýdentimin. Saılaýǵa alǵash qatysyp turmyn. Kandıdattar týraly aqparatpen aldyn ala tanystym. Óz tańdaýymdy jasadym», - dedi 18 jasar Bekzat Bókeshev.
«Saılaýda ár azamattyń daýysy mańyzdy. Saılaýǵa kelip óz tańdaýyn jasaý, árbir qazaqstandyqtyń azamattyq paryzy. Óz basym saılaýdy jibermeımin. Búgin ulymdy alyp keldim, bıyl 18-ge toldy», - dedi Bekzattyń ákesi Meırambek Janbatyrov.
«Birinshi ret daýys berdim. Azdaǵan qobaljý boldy. Degenmen elimniń bolashaǵy úshin daýys bergenime qýanyshtymyn. Meniń dostarym da saılaýǵa belsene qatysyp, daýys berip jatyr. Qazaqstan halqynyń 70 paıyzy jastar. Sondyqtan olardyń daýysy elimizdiń bolashaǵy úshin mańyzdy. Ózim kıberqaýipsizdik mamandyǵynyń stýdentimin. Bolashaqta elimizde óz salamnyń damýyna úlesimdi qosqym keledi. Úsh tildi (qazaq, orys, aǵylshyn) erkin meńgergem», - deıdi 18 jasar stýdent Jánel Almazova.
Aıta ketsek, buǵan deıin elordadaǵy №111 saılaý ýchaskesinde memlekettik keńesshi Erlan Qarın, QR Parlamenti Senatynyń tóraǵasy Máýlen Áshimbaev jáne QR Premer-Mınıstri Álıhan Smaıylov daýys berdi.
