Men qatty qoryqtym – koronavırýstan emdelip shyqqan aqtóbelik
AQTÓBE. QazAqparat – Aqtóbe oblysy boıynsha indetke shaldyqqandardyń 164-i emdelip, úılerine shyqty. Olar bul indettiń óte qaýipti, únemi qorǵanyp júrý qajet ekenin aıtty, dep habarlaıdy QazAqparat tilshisi.
Іndetke shaldyqqandar óz aty-jóniniń atalmaǵanyn, báriniń jasyryn bolǵanyn qalap, kóbi em júrgizilý barysyn ǵana aıtýǵa kelisti. Olar koronavırýs ınfektsııasynyń oıdan shyǵarylmaǵan dúnıe ekenin, qyzý kóterilip, jótelgen kezde boıdy qorqynysh bıleıtinin aıtyp, bos sózge senbeýge shyqyrdy.
«Men 15 sáýir kúni Máskeýden keldim. Shekara beketinen ótkende qatty jóteldim. Birden statsıonarǵa aparyp, analız aldy. Koronavırýs ınfektsııasy rastalyp, aýrýhanaǵa jatqyzyp, dári berdi, ekpe jasady. Keıin Aqtóbe qalasyndaǵy ınfektsııalyq aýrýhanaǵa jetkizip, kún saıyn jaǵdaıymyz qalypqa túse bastady. Bul aýrý bar. Men ózim sezindim. Aýyrǵan adamnyń murny ıis sezbeıdi, dám bilmeıdi. Mundaı jaǵdaı birinshi ret kezdesip tur. Qatty qoryqtym. Qazir barlyǵy jaqsy. Aýrýhanada 20 kún jatyp, em qabyldadym», - dedi aqtóbelik turǵyn.
Taǵy bir aqtóbelik Máskeýden kelgen kezde indetke shaldyqqanyn bilgen.
«21 sáýir kúni Máskeýden keldim. Meni shekarada tekserdi. Odan úsh kún buryn qyzýym kóterilip, qınaldym. Al Aqtóbege jetkende ıis sezbedim. Analız tapsyrǵan kezde vırýs anyqtaldy. Birden ınfektsııalyq gospıtalge jatqyzyp, em júrgizdi. Dárigerler jan-jaqty qarap, kómektesti. Mende jeńil túrde ótti. Dám sezbedim, ıis de múlde bilinbedi», - dedi ol.
Qazir óz jaǵdaılary týraly aıtyp bergen eki naýqas ta emin alyp, úılerine jiberildi.
Aıta keteıik, sońǵy táýlikte Aqtóbede 2 aılyq náresteden koronavırýs ınfektsııasy anyqtalǵan bolatyn.
