Men ǵylym jolyn tańdaǵanymdy maqtan tutam - magıstr Anna Danchenko
ALMATY. 1 jeltoqsan. QazAqparat /Erlik Erjanuly/ - Siz magıstrlermen bolǵan bir kezdesýde "Eger de maǵan qaıtadan mamandyq tańdaýǵa múmkindik týa qalsa men Prezıdent emes, saıasatker emes, ǵalym bolar edim" dep aıtqan edińiz. Bul sózdi ál-Farabı atyndaǵy Qazaq ulttyq ýnıversıtetiniń fılologııa magıstri Anna Danchenko búgin Almatyda QR Prezıdenti Nursultan Nazarbaevtyń qatysýymen ótken Qazaqstan ǵalymdarynyń forýmynda Elbasyna qarap aıtty.
"Bul sózińiz meniń júregimdi dir etkizip, janymdy baýrap aldy. Óıtkeni Prezıdentten de ǵalym bolý joǵary mártebe ekenin sizdiń aýzyńyzdan estýim meni ǵana emes men sııaqty myńdaǵan jastardy ǵylymǵa alyp kelgeni sózsiz. Sondyqtan da men ǵylym jolyn tańdaǵanymdy maqtan tutam. Bolashaq qazaq eli úshin, qazaqstandyqtar úshin boıymyzdaǵy bar bilimimizben, kúshimizdi aıamaımyz dep Sizge ýáde berem", - dedi A. Danchenko.
Onyń aıtýynsha, qazaq tili dombyranyń kúmbir qaqqan sazyndaı janyna jaqyn. Dalanyń qońyr jelindeı ańqyldap erkin esip turǵan qazaq sóziniń qudireti boıyna qýat berýmen qatar, janyn jadyrady. sol sebepti de til mamany bolýdy qalaǵan.
