Men Grýzııadan ketpeımin - Saakashvılı
ASTANA. 28 qazan. QazAqparat - Grýzııa Prezıdenti jýrnalısterge bergen suhbatynda eldiń jańa basshysyn ulyqtaý rásiminen keıin elden ketpeıtinin málimdedi.
Onyń sózine qaraǵanda, eshkim oǵan Grýzııadan ketýge nemese onda qalýǵa tyıym sala almaıdy. Saakashvılı ázirge eshqaıda ketpeıtinin taǵy bir eskertip ótti, dep habarlady «Tbılısskaıa nedelıa».
Eske sala keteıik, 27 qazan kúni Grýzııada el prezıdentiniń saılaýy ótti. Qazir saılaý ýchaskeleriniń 70 paıyzynyń málimetteri anyqtaldy. Grýzııa prezıdenttigine úmitker «Grýzınskaıa mechta» saıası uıymynan usynylǵan kandıdat Georgıı Margvelashvılı 62,13 paıyz daýys jınady, dep habarlady eldiń ortalyq saılaý komıssııasynan. «Biryńǵaı ulttyq qozǵalys» (Mıhaıl Saakashvılıdiń partııasy) partııasynyń kandıdaty Davıd Bakradzeniń jınaǵan daýsy - 21,88 paıyz. Al «Demokratııalyq qozǵalys - birlesken Grýzııa» partııasynyń atynan qatysqan Nıno Býrdjanadzege saılaýshylardyń 10,07 paıyzy daýys berdi.
