Men Golovkındi sulatyp salar edim - kishi Floıd Meıvezer
ASTANA. QazAqparat - Qazirgi zamannyń eń úzdik boksshysy atanǵan 38 jastaǵy kishi Floıd Meıvezer (49-0, 26 KO) 33 jastaǵy qazaqstandyq kásipqoı bylǵary qolǵap sheberi, orta salmaqta WBA/IBF/WBC interim/IBO nusqalary boıynsha álem chempıony Gennadıı Golovkınmen rıngte kezdesken jaǵdaıda ony sózsiz jeńetini týraly málimdedi.
«Golovkındi jetken jetistigimen quttyqtaımyn, alaıda ol meniń salmaǵymda da meni jeńe almas edi. Men ony nokaýtqa jiberer edim», - degen Meıvezerdiń sózin keltiredi mmaboxing.ru.
Eske sala keteıik, Meıvezer qyrkúıek aıynda sportpen qosh aıtysqanyn jarııalaǵan bolatyn.
Al bizdiń jerlesimiz 18 qazan kúni Nıý-Iorkte Madison Square Garden arenasynda ótken kezdesýinde kanadalyq boksshy Davıd Lemeni jeńip, IBF chempıondyq beldigin oljalaǵan edi. Onyń qorjynynda buǵan deıin WBA (Super), IBO jáne WBC (Interim) nusqalary boıynsha chempıondyq ataǵy bolǵan, dep jazady Vesti.kz
