«Men Gennadııdi sportshy retinde de, azamat retinde de jaqsy syılaımyn» - Qanat Islam
ASTANA. QazAqparat - Qazaqstandyq kásipqoı boksshy Qanat Islam Feısbýktegi paraqshasyna otandasy Gennadıı Golovkın týraly pikirin jarııalady.
«Gena - myqty boksshy. Ol - bizdiń aldymyzdaǵy tý. Aldymyzdaǵy tý qulamasyn, kásipqoı boksqa kesh qosylǵan bizder de aldymyzdaǵy týdyń qulaǵanyn qalamaımyz.
Men Gennadııdi sportshy retinde de, azamat retinde de jaqsy syılaımyn. Biz kezinde - Gena, Baqtııar Artaev, Baqyt Sársekbaevtar - bárimiz bir salmaqtyń boksshylary boldyq. Biraq, áýesqoı boksta Genamen sharshy alańda kezdesip kórgen joqpyn. Kásipqoı boksta da kezdespeımiz. Sebebi, Gena ekeýimiz de bir eldiń, qazaq topyraǵynyń namysyn qorǵap júrmiz. Al bizdi bir-birimizge qarsy qoıý aǵaıyndy Klıchkolardy bir-birimen tóbelestirgenmen birdeı», - dep jazylǵan onyń paraqshasynda.
