«Men daýys berdim!»: Ulytaýda arnaıy fotoaımaq ázirlendi
ULYTAÝ.KAZINFORM — Ulytaý oblysynda dál osyndaı taqyryppen arnaıy fotoaımaq daıyndaldy.
Budan bólek, belsendi jastar «Men daýys berdim!» jazýy bar arnaıy brendtelgen fýtbolkalardy kıip, bekitilgen saılaý ýchaskelerine baryp, ózderiniń azamattyq tańdaýlaryn jasady.
Ulytaý oblysynda azamattardyń saılaý belsendiligin arttyrý, turǵyndardyń qoǵamdyq - saıası ómirge qatysýyn yntalandyrý jáne daýys berýdiń mańyzdylyǵyn keńinen nasıhattaý maqsatynda «Men daýys berdim!» taqyrybynda 8 arnaıy fotoaımaq uıymdastyryldy. Daýys berýge kelgen azamattar osy jerde sýretke túsip, ózderiniń áleýmettik jelilerdegi paraqshalarynda bólisip jatyr.
Fotozona saılaý ýchaskelerine kelgen turǵyndardyń nazaryn aýdaryp, azamattardyń saılaý protsesine degen qyzyǵýshylyǵyn arttyrýda.
Jastardyń bul bastamasy óz qatarlastaryna azamattyq jaýapkershiliktiń mańyzdylyǵyn kórsetip, saılaýǵa qatysýǵa oń yqpalyn tıgizetini sózsiz.
Jalpy, uıymdastyrylǵan bastama azamattyq belsendilikti arttyrýǵa, jastardyń qoǵamdyq ómirge aralasýyn qoldaýǵa jáne turǵyndardyń saılaý protsesine qatysý mádenıetin qalyptastyrýǵa baǵyttaldy. Mundaı qoǵamdyq bastamalar azamattardyń óz tańdaýyna jaýapkershilikpen qaraýyna jáne saılaý protsesiniń mańyzdylyǵyn aıqyndaýǵa yqpal etedi.
