Men bul faktini jasyrǵan joqpyn – Zúlfııa Súleımenova ákesiniń sottylyǵy jaıly

ASTANA. QazAqparat – Úkimet otyrysynan keıin BAQ ókilderiniń saýalyna jaýap bergen Zúlfııa Súleımenova ákesiniń sottylyǵy bolǵanyn rastady, dep habarlaıdy QazAqparat tilshisi.

«Ákeme qatysty, ıá mundaı is boldy. Ol jazasyn ótedi. Memlekettik qyzmetke ornalasý kezinde bul faktini jasyrǵan joqpyn, qujatta kórsettim», - dep jaýap berdi mınıstr jýrnalısterdiń saýalyna oraı.

Buǵan deıin BAQ betterinde mınıstrdiń ákesi Bolat Súleımenov 2011 jyly iri mólsherde urlyq jasaǵany úshin kináli dep tanylǵany jaıly aqparat tarady. Ol kezde Bolat Súleımenovke 4 jylǵa bas bostandyǵynan aıyryp, múlkin tárkilep, jalpy rejımdegi túzeý kolonııasynda merzimin óteý jazasy taǵaıyndalǵan.

Qosa ketsek, Ekologııa mınıstri Zúlfııa Súleımenova óziniń otstavkasyna qatysty pikir bildirdi.