Men boksty qoıǵan joqpyn - Sáken Bıbosynov

TÚRKІSTAN. KAZINFORM-Boksshy, álem chempıony Sáken Bıbosynov áleýmettik jelide taraǵan aqparatqa jaýap berdi.

Áleýmettik jelide Sáken Bıbosynov jattyqtyrýshysy Myrzaǵalı Aıtjanovtyń artynan ketedi eken degen aqparat tarap jatyr. Máseleniń mánin bilý úshin álem chempıonynyń ózine habarlastyq. 

«Qoǵamda neshe túrli adamdar bar. Aýdıtorııa jınaý úshin ne istemeıdi. Jelide taraǵan aqparat jalǵan. Men boksty qoıǵan joqpyn» —dedi Sáken Bıbosynov.

Al, jelidegi aqparatqa búginde oqyrmandar túrli pikirler jazyp jatyr. Olardyń ishinde Sákendi kinalaǵandar da, qoldaǵandar da bar.

Aıta kteıik, budan buryn Myrzaǵalı Aıtjanov qyzmetinen ketkenin, boks federatsııasynda kadrlyq aýys-túıis bolǵanyn jazǵan bolatynbyz.