Men barlyq tıtýldy almaıynsha, toqtamaımyn — Jánibek Álimhanuly
ASTANA. KAZINFORM — IBF jáne WBO tujyrymdary boıynsha orta salmaqtaǵy álem chempıony qazaqstandyq Jánibek Álimhanuly (17-0, 12 KO) salmaq sanatynyń ózgerýi yqtımaldyǵy týraly josparymen bólisti, dep jazdy Sports.kz.
— Alǵash kásipqoı boksqa bet burǵanda komandama kez kelgen salmaqta judyryqtasa alatynymdy aıtqan edim. Eger «Kanelomen» sýperorta salmaqta nemese tipti Devıd Benavıdespen judyryqtasý múmkindigi týsa, meıli ol aralyq nemese ortasha aýyr salmaq bolsa da men bolashaqta salmaǵymdy soǵan yńǵaılaýǵa daıynmyn. Meniń maqsatym — orta salmaqtaǵy dıvızıondy tolyǵymen biriktirý. Men barlyq tıtýldy almaıynsha, toqtamaımyn. Árıne, eger ózime yńǵaıly usynys tússe, alǵa umtylamyn, alaıda men absolıýtty chempıon bolǵym keledi ári ózge boksshylar menimen judyryqtasýdan qashqaqtaýyna jol bergim kelmeıdi, — dedi qazaqstandyq boksshy BoxingScene basylymyna bergen kommentarııinde.
Esterińizge sala keteıik, 5 sáýirde Astanada ótken boks keshinde Álimhanuly frantsýz Anaýel Ngamıssenjdi besinshi raýndta nokaýtqa túsirip, eki tıtýlyn da sátti qorǵaǵan bolatyn.
Jánibek Álimhanuly nokaýtpen jeńiske jetkeni úshin qansha gonorar alǵanyn oqyǵyńyz kelse, myna siltemege ótińiz.