Men ajal qushtyratyn boksshy emespin - Golovkın
ASTANA. QazAqparat - Búgingi jekpe-jekten keıin suxbat bergen qazaqstandyq boksshy Gennadıı Golovkın osy jolǵy aıqasty 12-shi raýandqa deıin jetkizýdi kózdemegenin aıtty, dep xabarlaıdy QazAqparat tilshisi.
"Dennı men onyń komandasy óte jaqsy jumys jasady. Óte jaqsy, óte taza jumys. Dennı, sol úshin meniń qurmetimdi qabyl al! Árıne, meniń komandama da, bapkerime de, sport jankúılerine de alǵys aıtamyn. Dennı jarady! Onyń daıyndyǵy jaqsy!", - dedi Gennadıı Golovkın. Al nokaýtqa qatysty suraqqa GGG: "Men adam óltiretin qaskóı emespin, men - boksshymyn. Degenmen, maǵan sheshýshi aıqas qajet, bıg shoý, bıg drama shoý. Men shoýǵa daıynmyn. Barlyǵyna da sol kerek. Árıne, búgin men 12 raýndtyń qorytyndysy boıynsha jeńemin dep oılaǵan joqpyn. Sebebi bul - boks, boksta sapaly jekpe-jekter bolýy kerek", - dep atap kórsetti chempıon.
Aıta keteıik, búgingi jekpe-jekte orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın (36-0, 33 KO) kezekti jeńisine qol jetkizip, barlyq belbeýlerin qorǵap qaldy. Alaıda úzdiksiz nokaýttar serııasy osymen aıaqtaldy. Al Denıel Djeıkobs (32-1, 29 KO) óziniń sporttyq mansabynda ekinshi ret jeńilis tapsa da, sensatsııa jasap, on ekinshi raýndqa deıin shydady.
